Vorið að koma í Vilnius

Jæja, þá er farið að örla aðeins á vori hér í Vilnius, veðurfar hefur verið með eindæmum gott í vetur og reyndar svo að fara þarf hundruði ára aftur í tímann til að finna svo mildan vetur.
Hitinn undanfarið hefur verið  2-4°, en mest upp í 9°og sólin að hækka á lofti.

Heimþrá sem hefur verið að þjaka mig undanfarið er auðvelt að sljákka með símtali heim eða, -bara að kíkja á veðrið heima.
Það er ekki eitt heima núna, það virðist vera allt. Fjárhagsáhyggjur, myrkur og erfið veður hafa ekki verið til þess fallin að hressa upp á sálartetur Íslendinga, þvert á móti.
En, nú fer sólin að hækka á lofti og menn bera þá von í brjósti að sumarið verði gott.
Ég heyrði í einum heima í dag sem er orðinn svo þreyttur á veðrinu, fréttunum og öllu saman að hann ákvað að fara bara erlendis, en hann sagði ekki hlaupið að því, því svo virðist sem uppselt sé í allar ferðir.

En þetta ástand allt saman er tímabundið. Rétt eins og stórgróðinn sem hefur verið á allra vörum undanfarið. Hann virtist einnig vera tímabundinn. Hjá sumum. Aðrir hafa styrk til að nýta sér ástandið. Og gera það.

Sumir segja að þessu létti með vorinu, aðrir að því létti með haustinu.

Svo er góð leið sem ég veit að einn notar; Hann einfaldlega lætur það eiga sig að fylgjast með fréttum og verndar þannig þann heim sem honum sjálfum er mikilvægastur: Hans eigin.