hrekkjusvín eða morðingjar?

Þessi mótmæli bílstjóranna vekja upp margar spurningar. Fyrst spurninguna, hverjar eru kröfur þeirra og hvar er hægt að nálgast þær?

Ef kröfurnar væru sýnilegri almenningi, þá er ég viss um að almenningur myndi sýna meira umburðarlyndi við mótmæli atvinnubílstjóra.

Við Íslendingar höfum verið allt of lin við að láta álit okkar í ljós við aðstæður sem þessar. Ég skil bílstjórana vel. Eflaust velflestir með atvinnutæki sín á erlendum lánum sem hækkað hafa gríðarlega. Þeir sem ekki eru með erlend lán eiga eftir að sjá lán í íslenskum krónum hækka einnig verulega, bara ekki strax. Svo afborganir ganga verulega á mánaðarlegar tekjur.
Þá er það eldsneytið sem einnig hefur hækkað umtalsvert. Og, ríkið fær meginhluta hækkananna!
Þetta er veruleg kjaraskerðing sem bílstjórar mættu sýna fram á í útreikningi. Þannig gætu bílstjórar verið málefnalegri og rökrænni í baráttu sinni. Það er ekki nóg að vera bara með einhvern sem rífur bara kjaft. Það virkar engan veginn.
Þeir hljóta að eiga innan sinna raða einhvern hæfari mann til að vera talsmaður þeirra. Einhvern sem nær til fólksins.

Að rífa kjaft við lögguna er eitthvað sem skellinöðrugaurar geta státað sig af, en hæfir ekki atvinnubílstjórum.

En, kannski er tími mótmælanna upp runninn á Íslandi. Og, ekkert við það að athuga, nema kannski að við hefðum mátt byrja á því fyrr.
Mótmæli eru réttur hvers og eins ef honum finnst á sér brotið.
Og í mótmælum grundvallast lýðræðið.

En mótmælarétti ber að sýna virðingu og festu. Ekki nota hann í fíflagangi.

Bílstjórar: „Við höldum áfram"

Athugasemdir

[Jón Ingi Cæsarsson, 9.4.2008 kl. 12:04]

Sammála...þetta kemur óorði á alvöru mótmæli og tilgang þeirra.

[Evil monkey, 9.4.2008 kl. 12:46]

Ríkið fær ekki meginhluta hækkananna. Árið 2003 var álagningu breytt út prósentu í fasta krónutölu - sem hefur ekki hækkað síðan. Verðhækkun á bensíni er algjörlega komin út af heimsmarkaðsverði og það er lítið sem ríkisstjórn litla Íslands getur gert við.

Að auki má benda á varðandi hina kröfu þeirra, að þurfa að hvíla sig í 45 mínútur fyrir hverja 4,5 klukkstund, að þeir eru ekki skyldugir til að taka það allt í einu, heldur mega þeir alveg eins taka þrjú kortershlé á þessum tíma, t.d. koma við í sjoppu og fá sér pulsu.

Svona mótmæli þar sem fólk veður uppi á ómálefnanlegan hátt með dónaskapi og yfirgangi fara einstaklega í taugarnar á mér. Alveg eins og þú, þá skil ég sjónarmið þeirra, en þeir bókstaflega þurrka alla þá samúð sem ég gæti haft með þeim út með hegðun sinni.

[Sigrún Jóna (IP-tala skráð) 26.4.2008 kl. 16:58]

Ég borga líka fyrir hátt bensínverð og það er yfirgangur að stöðva för mína með mótmálu sem þessum. Mótmála og stöðvar almenning, sem ekkert hafur um verða að segja. Þvílíkir vitleysingar.

Ríkið gæti lækkað virðisaukann, en lítið annað. Hann er jú prósentutala ofaná allt. 

[Sigrún Jóna (IP-tala skráð) 26.4.2008 kl. 17:00]

mótmælum sem þessum

mótmæli og stöðvar för almennings 

Svona smá leiðrétting á fyrri færslu