Ísland á Rússarásinni

Er ég vaknaði í morgun kveikti ég á sjónvarpinu og fletti í gegnum rásirnar og þegar ég koma að rússnesku rásinni þá blasti við mér legsteinn með íslenskri áletrun!

Þegar lengra var horft, þá var um að ræða þáttur um Ísland þar sem dregin var upp afar falleg mynd af landinu okkar, af börnum sem fullorðnum til sjávar og sveita, myndir frá útvegi, landbúnaði, mikið um fallegar náttúrumyndir af fossum, hverum og öðru sem einkennir okkar fallega land. 

Það vantaði í raun bara þjóðsönginn undir. Þó ekki til að vekja upp þær kenndir sem landið okkar á svo auðvelt með, heldur hefði þessi þáttur með þjóðsöngnum undir í raun getað átt heima á tímamótum í sjónvarpi.

Þegar svo var farið inn í Skálholtskirkju og sýnd altaristafla Nínu Tryggvadóttur, þá af einhverri ástæðu fór ég að hugsa, af hverju eru þeir að sýna þetta NÚNA? Er það af því við erum mikið í umræðunni á alþjóðavettvangi eða er það vegna þess að þeir þurfa að réttlæta mögulega lánveitingu til okkar?  Eða hvað?

Kannski er maður bara tortrygginn. Þulurinn sagði í það minnsta í lokin að vonandi eigi Ísland eftir að ná sér út úr þeim erfiðleikum sem þjóðin hefur ratað í...

????????

Engin niðurstaða enn